【實用書籍app】Кнiгi Дзеткам|最夯免費app-綠色工廠好玩App

Kinderbook — гэта сетка бібліятэк дзіцячых кніг для мабільных прыладаў. Кнігі ў нашай праграме абраныя з улікам наяўнасці ў сюжэце маралі, якасна агучаныя і маляўніча праілюстраваныя.

“Кнігі дзеткам” — незалежны праект групы энтузіястаў. Ідэя праекта — стварыць паліцу дзіцячых кніг на беларускай мове, якія развіваюць у маленькіх чытачоў добры густ і фарміруюць карціну свету, заснаваную на традыцыйных чалавечых каштоўнасцях.

Кнігі ў нашай бібліятэцы разлічаныя дзяцей ад трох да васьмі гадоў — менавіта ў гэтым узросце дзеці вучацца чытаць самастойна. Агучаныя кнігі з каляровымі ілюстрацыямі дапамогуць ім у гэтым, а бацькам дадуць упэўненасць у тым, што іх дзеці растуць і развіваюцца ў кампаніі з добрымі літаратурнымі героямі.

Большасць кніг маюць ангельскую версію тэксту і агучкі. Нашы чытачы могуць выбраць, на якой з дзвюх моваў: беларускай ці ангельскай — чытаць і слухаць кнігу.