【實用教育app】香港大專升學指南|最夯免費app

香港大專升學指南 1.4

喺努力讀書之餘相信各位DSE同學都喺度物色緊心水嘅大學學位。

過去嘅經驗話俾我哋知大部份嘅同學唔係成績唔夠好，而係因為揀錯科搞到冇U讀。我哋希望每個同學都可以搵到合適嘅學科，減低資源錯配，而資訊就係勝負嘅關鍵。

有見及此，我哋會喺度提供大學課程嘅資料，包括課程簡介、收生人數、面試要求、入學成績等等。

我哋仲特別提供評估系統，只要輸入你嘅DSE學科同估計成績，我哋就可以話你知

(1)你係咪符合每一科嘅入學資格， 同埋

(2)用往年嘅入學成績評估入學機會。

如果你對呢個APP有任何意見，歡迎去Facebook Page留言。喺呢度希望大家都入到心儀嘅學科啦！

日前我哋收到JUPAS嘅律師信，得悉APP內唔可以出現佢哋嘅註冊商標(包括圖示，同埋JUPAS一字)，亦都唔可以有"unauthorised link" 連去JUPAS網頁，據稱轉載各大院校提供嘅課程資料亦係侵犯咗JUPAS嘅版權。同時或者由於本APP設計過於精美，部份地方曾經出現過JUPAS一字，有人認為呢個APP會被誤會係由JUPAS官方提供。基於以上理據，對方希望我哋將呢個app下架。

喺呢度我哋鄭重聲明，呢個APP嘅設計人員同JUPAS絕無關係。呢個絕對唔係官方app。為免不必要嘅誤會，我哋已經將JUPAS相關嘅資訊悉數刪除。連APP名都唔再有JUPAS呢個字。

如果因為版本問題而家仲見到舊有嘅logo/功能，請大家盡快update做最新版本。

關於下架一事，由於app內已經冇屬於JUPAS商標/版權嘅內容，我相信對方無權要求我哋下架。

就今次JUPAS發律師信一事，我哋深表遺憾。

作為官方機構，理應重視學生利益。近日所有下架嘅網頁/APP，目的都係喺公平使用嘅原則下，補充網頁嘅不足，增加資訊流通性，減低考生因為轉制而要承受嘅風險同壓力。

施加壓力去阻止呢啲工具流通，對學生當然有損，但係對JUPAS方面到底有咩益處？

如果真係有閒錢，點解唔用筆錢去做啲更加有意義嘅事，例如諗吓點樣增加選科嘅透明度，或者自己整個official app俾考生呢？

我哋明白版權嘅重要性，所以由一開始我哋都唔係將所有資訊搬字過紙，而係將院校提供嘅重要內容抽絲剝繭，分析編排。

不過JUPAS一方對「版權」一詞理解異常嚴苛，連加一條 hyperlink 都要 "authorisation"，就算我哋有千百個IDEA，相信都冇辦法加落呢個APP度喇。

另外呢個app其實係可以offline用嘅，我哋並冇收集任何用戶資料(包括預測成績，使用數據，瀏覽記錄等等)。

Dendrite Solutions團隊敬上

免費玩香港大專升學指南 APP玩免費

免費玩香港大專升學指南 App

香港大專升學指南 APP LOGO

香港大專升學指南 APP QRCode