【實用教育app】Delfina (Делфина)|最夯免費app-綠色工廠好玩App

Што е „Делфина“ ?

„Делфина“ е едноставна, интерактивна, едукативна аудио-визуелна Андроид апликација, која е наменета за стимулација на развој на говорот и јазикот, визулно препознавање на печатните букви од македонското кирилично писмо, стимулирање на аудитивната перцепција и развој на фонемската дискриминација на секој глас, богатење на детскиот речник со нови зборови, формирање на нови претстави и поими. Стимулација на усвојување на поим за број и броење, запознавање и усвојување на броевите од 1 до 10. Поттикнување за воочување и именување на геометриските форми, круг, триаголник, правоаголник, квадрат, овал и ромб, стимулирање на препознавањето и именувањето на основните бои.

За кого е наменета „ Делфина“ ?

Апликацијата е наменета пред се за децата со посебни образовни потреби, децата со аутизам, за децата/учениците кои имаат пречки, отстапувања во говорно-јазичниот развој, имаат развојни и индивидуални потреби за помош и поддршка во однос на усвојувањето на буквите, броевите, боите и формите. Апликацијата ќе можат да ја користат родителите, дефектолозите, логопедите, и сите оние чија дејност е стимулација и третман на говорно – јазичната патологија.

Зошто и како настана „Делфина“ ?

„Делфина“ е производ на “Бест Солушн“ студиото за изработка на Андроид апликации и игри, во соработка со м-р Елена Ташкова, со шеснаесетгодишно работно искуство, вработена како дефектолог – логопед во ООУ „Гоце Делчев“- Штип, и двете млади дами Симона Андонова (10 години) и Викторија Андонова (6 години). Преку синергија на искуство, компетентност, љубов, хуманост, креативност и детска желба да се помогне на „различниот“, се изработи оваа едукативна Андроид апликација на македонски јазик. Позитивните примери, светските искуства и резултатите од употребата на компјутерот, таблетот, телефонот во дефектолошко – логопедскиот третман, недостатокот на пазарот на едукативни апликации на македонски јазик за оваа намена, беа дополнителен поттик, идејата да резултира со готов производ.

Како се користи „ Делфина“ ?

„Делфина“ е поедноставена, но истовремено функционална, интерактива, интересна и забавна апликација наменета за усвојување на основните бои, форми, букви и броеви. Илустарциите се јасно структуирани со реалистичен дизајн, стимулативни бои и контрасти, аудитивна стимулација преку детски глас. Менито е едноставно и дава можност за самостојно користење, снаоѓање на екранот и активирање со допир. Можноста за повторување ќе придонесе за задржување и насочување на вниманието, стимулирање на развојот на моториката, координација око – рака, говорот и когнитивните способности, поттикнување и постигнување на самостојност.