【實用教育app】O Fiadeiro|最夯免費app-綠色工廠好玩App

A app de O fiadeiro reúne as novas da asociación e da agrupación folclórica, reunindo as notificacións das redes sociais nunha aplicación propia.

O seu deseño engloba a nova imaxe que ten a páxina web e os distintos blogs da escola, optimizada para smarphones e tabletas Android.

Unha vez teñas seleccionadas as novas que queres recibir, estarás ao corrente de todas as actividades da asociación e das súas agrupacións, así coma dos actos da escola. E como non podía ser doutro xeito, a aplicación tamén che dará os enlaces das páxinas, blogs, onde se mencionan as actividades e incluso as situacións no mapa de Google maps, onde o evento sexa xerado.

Móvete polas novas dunha maneira máis directa e sé o primeiro en enteirarte do ocurrido nos eventos que facemos.

Tamén poderás darte de alta e disfrutar da túa información persoal na asociación para poder levar un control máis directo das actividades e dos cursos.

Se eres alumno poderás indicarlle ao teu mestre as túas ausencias e, do mesmo xeito, poderás saber se o teu mestre non pode asistir á súa clase.

Segue as actucións e os actos na sección da galería de fotos onde atoparás un resumo fotográfico do último evento realizado.

O más salientable é:

★ As novas das redes sociais do grupo todo nun único sitio; será máis fácil e rápido poñerte ao día coas noticias que che interesan.

★ Podes indicar as túas ausencias e faltas a calquera hora do día, coa tranquilidade de saber que o teu mestre recibirá a túa notificación.

★ Se eres mestre, monitor ou levas unha actividade na asociación, podes ter un control máis directo dos teus alumnos, coa posibilidade de mandarlles unha mensaxe máis personalizada e directa.

★ Podes controlar as túas cotas e recibos sen ter que chamar á asociación.

★ Busca calquera cousa no teu buzón de entrada, enlaces a blogs ou a páxinas web.

Desplázate polas novas, fotos e vídeos nun formato cómodo.

★ Filtra as noticias que queres recibir da asociación para ter claro os contidos das novas que che interesan.

★ Utiliza estas para informar aos teus compañeiros e se non eres socio e tes interese en seguirnos, podes baixar a aplicación en modo invitado; deste xeito poderás seguir a ruta de traballo da asociación e da agrupación.

★ Explora as distintas seccións do noso grupo dende a galería coas fotografías datadas.

★ Accede rápidamente á aplicación por medio do icono no panel principal.

Visita o noso sitio http://www.ofiadeiro.com e síguenos en @O_Fiadeiro en Twitter, en Facebook www.facebook.com/ofiadeiro .

Se tes problemas ou preguntas técnicas, estamos aquí para botarche unha man. Por favor, envíanos un correo electrónico a: ofiadeiro@ofiadeiro.com, indicando o problema coa app.